مسدار القمرية

يا قميريه حبنا للجمال متناهي
شيلي خبرنا للناسينا ساكت وساهي
اقعدي جنبها وكتري من شراب الشاهي
شفتي جمالنا يا قميريه لونن باهي
انا وسواح خترنا سيفنا امر وناهي
الفنان لبد قال في شديد ما لاهي
انحنا يا قميريه ما بعارضنا زولا ساهي
انحنا بنقفل الدرب المشرق جاهي
ضرب سواح مع الجيلاني ما كان واهي
رجوعنا يا بشار من الشفته كيف بالله؟
--
يا قميريه من بدريه دربك للعشوق اتشرق
شايفانا في جمرا رماد ه بحرق
اولاد حروب في الحاره ما ما نتجرق
ادينا الازن خلينا نمشي نفرق
--
يا قميريه نوحي وقوقي شيلي خبرنا
انا وسواح وشيلي كلامنا للهاجرنا
رساله شوق توريه الكسر خاترنا
شوفي الدمعه لونزلت تقصه اترنا
--
يا قميريه من بشار طلبنا النجده
لو عمدتنا ما انصفنا جاب لا وده
يلقي كلامنا في ام طرقا طوال اتعده
حد السيف حكم خلي الارض تنهده
--
ضرب القيد علي جمالنا وقفين تب
علي ست الجمال ال الله صابيك صب
تمساح الدميره الليل ببلع شب
ولو درتوا السماح والله ذي الاب
--
ما تخلي بس فنان يشمت فينا كوم اسباب
ولا تخلي الدموع فوق الخدود شبشاب
اسود الغاب انحن نكسر الانياب
بعد الحصل لسا النجم ما غاب
--
غاب اب عاج ملامح اب قبضن هين
غاب شيخ العرب كفاره من العين
فقدوك البنات فقدوك ناس فاهمين
البورد بي غيابك عجزت تقبل وين
--
سهم الناس ختى بي وراكا ضربوا الصي
لو ما جيت سريع ما ببقي فيهم حي
العمر ان مهل الحي بقابل الحي
البورد منتظر في ايده امرا ني
--
قشاش دمعة الهامله ومجير النايحه
كيف طيبك يغيب والريحه منك فايحه
بي رجوعك نتم كل الزمايل الرايحه
والقمريه غنت بي شكوركم بايحه