تمد الايد ونتسالم

تمد الايد ونتسالم
كأنك مانسيتنى زمان
ولا الزول القبيل خاصم

بعد فرقتنا بالسنوات .. نسيت اسباب خصامنا الطال
ونتقابل نمد الايد.. وفي عينينا الف سؤال
وحات الرعشه فى الايدين سلامك ما خطر بى بال


سنينى الفاتو من دونك
براى قضّيتا في احزان
بشيل الليل عذاب مشتاق
بعادك سهد الاجفان
تخاصم كيف وتنسى الريد
وتنسى الإلفه والتحنان؟؟


غريبه الليله نتقابل ونتعاتب بدون كلمات
وفوق إيدى تنوم إيديك وأحسّك فى الفؤاد خفقات
واشوفك تبكي ياحالم على الماضى وزمانو الفات